ڕێکان عومەر بەرپرسی بەشی ژمێریاری ناوەندی کوردستانە بۆ هونەر و کولتوور. ڕێکان کار لەسەر ڕێکخستنی بودجە و پلانی دارایی ناوەندەکە و نووسینی ڕاپۆرت دەکات.

پێش کاری ئێستای، ڕێکان ئەزموونێکی باشی وەرگرتووە لە وردبینیکردنی دارایی لە کۆمپانیای ئێرنست و یۆنگ. لە هەمان کاتیشدا ڕێکان کار بۆ بەدەستهێنانی بڕوانامەی کۆمەڵەی ژمێریارانی بڕوانامەدار (ACCA) دەکات. لەپاڵ ئەمانەشدا، ڕێکان خاوەنی بڕوانامەی خوێندنی زمانی ژاپۆنییە لە زانکۆی کیۆ. ڕێکان بەکالۆریۆسی لە زانستی کارگێڕی بازرگانی لە زانکۆی ئەمریکی عێراق، سلێمانی بەدەستهێناوە.